பிளாஸ்டிக் உபயோகத்தை ஏன் தவிர்க்க வேண்டும் ..?!

முடிந்தவரை..பிளாஸ்டிக் உபயோகத்தை தவிர்ப்போம். 

இனிய ...2014ஆங்கில புத்தாண்டு

 நல்வாழ்த்துக்கள் ...

கூகிள் (Google) உருவான கதை..

கூகிள் எப்படி உருவானது என்று நம்மில் பலருக்கு தெரியாது.அப்படி தெரியாதவர்களுக்காகவே இந்த பதிவு." நாங்க ஜாலியா படம் எடுக்கிறோங்க" என்று சொல்லிட்டு சென்னை 28 என்ற மிகப்பெரும் ஹிட் படம் ஒன்றை எடுத்திருந்தார் வெங்கட்பிரபு. அதுமாதிரிதான் "நாங்க ஜாலியா கம்பனி ஆரம்ம்பிக்கிறோம் " என்று ஆரம்பிக்கப்பட்ட ஒரு சிறிய கம்பனிதான் இந்த கூகிள்.அந்த கம்பனிதான் இணைய உலகில் ஒரு விருட்சமாய் வளர்ந்து நிற்கிறது.

ஷெல் என்பவர் முப்பத்தேழு வயதுப் பெண்மணி. ஒரு பெரிய அமெரிக்கக் கம்பெனியில் பொறுப்பான பதவியில் இருக்கிறார். ஒரு நாள் அலுவலகத்தில் ஒரு பெரிய தப்பு செய்துவிட்டார். அவசரமாக முடிவு எடுத்து, ஆலோசிக்காமல் செயல்பட்டு, அகலக் கால் வைத்துவிட்டார். அவரால் கம்பெனிக்கு பல லட்சம் டாலர் நஷ்டம். தன் மடத்தனம் புரிந்தவுடன் தயங்கிக்கொண்டே முதலாளியிடம் போய் விஷயத்தைத் தெவித்தார்.

இந்த நிலையில் பாஸ் என்ன செய்வார்?

வேறொரு கம்பெனியாக இருந்திருந்தால் உடனே ஷெலுக்கு சீட்டுக் கிழிவதுடன், அவருடைய சூப்பர்வைசருக்கு சூப்பர்வைசருக்கு சூப்பர்வைசர் வரை அத்தனை பேருக்கும் அண்டர்வேருடன் நிறுத்தி வைத்து பரேடு நடந்திருக்கும். ஆனால் ஷெலின் பாஸ் புன்னகையுடன், ""அப்படியா, தாங்க்ஸ்!'' என்றார்.""தயங்கித் தயங்கி, ஒரு முடிவும் எடுக்காமல் களிமண் மாதிரி உட்கார்ந்திருப்பவர்கள்தான் தப்பே செய்ய மாட்டார்கள். அடிக்கடி தடுக்கி விழுபவர்கள்தான் நம் கம்பெனிக்குத் தேவை. அவர்கள்தான் நாலு கால் பாய்ச்சலில் ஓடிக் கொண்டிருக்கிறார்கள் என்று அர்த்தம்!''

இந்த வித்தியாசமான கம்பெனிதான் கூகிள். அதன் வினோதமான முதலாளிதான் லாரி பேஜ். தன் கல்லூரித் தோழர் செர்ஜி ப்ன்னுடன் சேர்ந்து காலேஜ் படிக்கும்போதே கம்பெனி ஆரம்பித்தவர். (படிப்புதான் குட்டிச் சுவராகிவிட்டது!) எட்டு வருடத்தில் உலகத்தின் நம்பர் ஒன் இன்டர்நெட் கம்பெனியாக வளர்ந்து போட்டியே இல்லாமல் இணைய மலையின் உச்சியில் போய் உட்கார்ந்து கொண்டிருக்கிறது கூகிள்.

லாரியும், செர்ஜியும் பிட்ஸா சப்ளை செய்து சம்பாதித்த காசில் மிச்சம் பிடித்து கம்ப்யூட்டர் வாங்கித் தங்கள் ஹாஸ்டல் அறையில் கம்பெனியை ஆரம்பித்தார்கள். பிறகு ஒரு வீட்டு கராஜை வாடகைக்கு எடுத்து ஆறு ஊழியர்களுடன் கம்பெனி நடத்தினார்கள். இன்றையத் தேதிக்கு கூகிளின் மதிப்பு பன்னிரெண்டாயிரம் கோடி டாலருக்கு மேல்.

கணிதத்தில் கூகால் (googol) என்ற ஒரு பெரிய நம்பர். ஒன்று போட்டு நூறு சைபர். எத்தனை கோடி வலைப் பக்கங்கள் இருந்தாலும் தேடித் தந்துவிடுவோம் என்ற அர்த்தத்தில் இந்தப் பெயரை வைத்தார்கள். ஆனால் நம் கதாநாயகர்களுக்கு ஸ்பெல்லிங் கொஞ்சம் தகராறு. (கூகால்) என்பதற்குப் பதிலாக (கூகிள்) என்று தப்பாக எழுதிவிட்டார்கள். யாரும் கவனிக்காததால் அந்தப் பெயரேநிலைத்துவிட்டது.

இதை உருவாக்கி முடித்ததும் இந்த தேடல் நுட்பத்தை Yahoo போன்ற பெரும் தலைகள் யாருக்காவது விற்கலாம் என முடிவெடுத்தனர்.வாங்க யாரும் இல்லாததால் 1998-ல் Google என்ற கம்பெனி உருவானது.1998 நவம்பரில் தான் கூகிள் இணையதளம் முதலாக தலைக்காட்ட தொடங்கி யிருந்தது.ஆரம்பத்தில் பணம் ஒன்றும் அவ்வளவாய் சம்பாதிக்க இயலவில்லை.Sun-னும் IBM-மும் சில SunUltra II,F50 IBM RS/6000 செர்வர்களை தானமாக வழங்கியிருந்தனர்.2001-ல் யாகூ கூகிளை வாங்க விலைப்பேசி கொண்டிருந்ததாம்.தேடல் இயந்திரத்தின் வலிமை அறியா யாகூ ஒரு தேடல் இயந்திரத்துக்கு இத்தனை விலையா ($5 Billion) என ஒதுங்கி விட்டது. (அன்று யாகுவிடம் விலைபோயிருந்தால் கூகிள் என்னவாயிருக்கும்?...யூகிக்க கூட இயலவில்லை.)

நிறுவனத்தில் எட்டாயிரம் பேர் வேலை செய்கிறார்கள். எல்லாம் பொறுக்கி எடுத்த மணி மணியான என்ஜினீயர்கள். அவர்களுடைய கலிபோர்னியா ஆபீசில் போய்ப் பார்த்தால் ஏதோ பல்கலைக்கழகக் கட்டடத்துக்குள் நுழைந்துவிட்ட மாதிதான் இருக்கிறது. இளைஞர் பட்டாளம் ஏக இரைச்சலாகச் சிரித்துக் கொண்டு அடித்துக் கொண்டு கானா பாட்டுப் பாடிக் கொண்டிருக்கிறது. வராந்தாவில் ஊழியர்கள்

வளர்க்கும் செல்ல நாய்கள் உலவிக் கொண்டிருக்கின்றன. ஒரு பக்கம் டேபிள் டென்னிஸ் விளையாடிக் கொண்டிருக்கிறார்கள். மடியில் குழந்தையை வைத்துக் கொண்டே வேலை செய்யும் தாய்மார்கள், மூடு வருவதற்காகப் பாட்டுக் கேட்கும், பியானோ வாசிக்கும் இளைஞர்கள்... ஆபீஸ் மாதிரியாகவா தெரிகிறது?

கூகிள் ஊழியர்களுக்கு கம்பெனி செலவில் சாப்பாடு, காப்பி இலவசம். கூகிள் கான்டீன் என்பது நம் மியூசிக் அகாதெமி கான்டீன் போல பிரபலமானது. அதைத் தவிர அலமாரி அலமாரியாக நொறுக்குத் தீனிகள், பழங்கள், பானங்கள். கொடுத்து வைத்தவர்கள், பிரித்து மேய்கிறார்கள்!

கூகிள் பிறந்த புதிதில் சர்ச் எஞ்சின் எனப்படும் வலைத் தேடல் இயந்திரமாக மட்டும்தான் இருந்தது. மசால் தோசை என்று தேடினால் இன்டர்நெட்டில் இருக்கும் கோடியோ கோடிக்கணக்கான தகவல் பக்கங்களில் புகுந்து புறப்பட்டுத் தேடி வினாடி நேரத்தில் விடை கொண்டு வந்துவிடும். இந்த மின்னல் வேகத் தேடல் டெக்னாலஜியைக் கண்டுபிடித்தவர்கள் பேஜும் பின்னும்தான். இதைச் செய்ய அவர்கள் பெரிய சூப்பர் கம்ப்யூட்டர்கள் எதையும் உபயோகிக்கவில்லை; சாதாரணமாகக் கடையில் கிடைக்கும் எட்டணா கம்ப்யூட்டர்களை ஏராளமான

எண்ணிக்கையில் வாங்கிப் போட்டு அவற்றை ஒத்துழைக்க வைத்த சாப்ட்வேர்சாணக்கியத்தனம்தான் அவர்கள் செய்தது.

கூகிளில் வேலை செய்பவர்கள் எல்லோருக்கும் வாரம் நாலு நாள் ஆபீஸ் வேலை, ஒரு நாள் சொந்த வேலை. அதாவது, உங்களுக்கு ஏதாவது புது ஐடியா தோன்றினால் அதை முயற்சித்துப் பார்க்க கம்பெனி காசில் வசதி செய்து தருகிறார்கள். கூகிள் அறிமுகப்படுத்தியுள்ள பல புதுமையான சேவைகள் இப்படி ஆளாளுக்கு குருட்டாம்போக்கில் யோசித்து ஆரம்பித்து வைத்ததுதான். ""ஒவ்வோர் ஐடியாவும் ஒரு வைரம்; "தினப்படி வேலையில் பிசியாக இருக்கிறேன், யோசிக்க நேரமில்லை' என்பதனால் எந்த நல்ல ஐடியாவும் வீணாகிவிடக் கூடாது'' என்பது கூகிள் கொள்கை.

கூகிள் ஊழியர்கள் எல்லாரும் கிட்டத்தட்ட சுதந்திரமாக, தமக்குத் தாமே வேலை செய்துகொள்கிறார்கள். பின்கை கட்டிக் கொண்டு பின்பக்கம் உலாத்திக் கண்காணித்துக் கொண்டே இருக்கும் சூப்பர்வைசர்கள் கிடையாது. ""எவ்வளவுக்கு எவ்வளவு மானேஜ்மென்ட் இருக்கிறதோ, அவ்வளவுக்கவ்வளவு தொழிலாளர்களின் உற்பத்தித் திறன் குறைந்துடும். ஃப்ரீயாக விட்டால்தான் எல்லாரும் பொறுப்பாக வேலை செய்வார்கள்'' என்கிறார்கள். (கார்ப்பரேட் சர்வாதிகாரிகளே! கவனித்தீர்களா?)

கூகிள் வருவதற்கு முன்னும் பற்பல தேடல் இயந்திரங்கள் இருந்திருக்கின்றன. அவற்றில் எல்லாம் ஒரே குறைபாடு, குப்பைத் தொட்டியிலிருந்து அள்ளி வந்த மாதிரி சம்பந்தா சம்பந்தமில்லாத வலைப் பக்கங்களையெல்லாம் பீறாய்ந்து கொண்டுவந்து போட்டுவிடும். தங்கள் வெப் சைட்தான் முதலில் வர வேண்டும் என்பதற்காக சர்ச் எஞ்சினை நயவஞ்சகமாக ஏமாற்றுவதற்குப் பலர் சதித் திட்டங்கள் வேறு செய்து வைத்திருந்தார்கள்.

கூகிள்தான் முதல் முதலாக பக்கங்களைத் தரப்படுத்தி மார்க் போட்டு உருப்படியான தகவல்களை முதலில் கொண்டு வந்து தர ஆரம்பித்தது. பேஜ் ராங்கிங் (Page ranking) என்ற இந்த டெக்னிக்கை கண்டுபிடித்தவர் லாரி பேஜ். ஒரு வலைப் பக்கத்தை நிறையப் பேர் சிபாரிசு செய்து இணைப்புச் சங்கிலி போட்டு வைத்திருந்தால், அதிலும் பெரிய மனிதர்கள் சிபாரிசு செய்தால் அதிக மார்க் என்பது இதன் தத்துவம். கூகிளையும் ஏமாற்ற முடியும்; ஆனால் கஷ்டம்.

கூகிள் ஆராய்ச்சிசாலை என்று புதிது புதிதாக என்னவோ கண்டுபிடித்துக்கொண்டே இருக்கிறார்கள்.கூகிள் நியூஸ் என்பது உலகத்தில் உள்ள அத்தனை செய்திகளையும் ஒரே இடத்தில்தருகிறது;கூகிள் மேப் என்ற சேவையில் அமெரிக்காவின் வரைபடம் மொத்தமும்

வைத்திருக்கிறார்கள். ஏதாவது ஓர் ஏரியாவில் போய் நின்றுகொண்டு இங்கே பக்கத்தில் பிட்ஸா எங்கே கிடைக்கும் என்றால் உடனே காட்டுகிறது.

லட்சக்கணக்கான புத்தகங்கள் கொண்ட இலவச லைப்ரரி நடத்துகிறார்கள்.பி.எச்டி மாணவர்கள் காப்பி அடிக்க ஆராய்ச்சிக் கட்டுரைகள் தேடித் தருகிறார்கள். பறவைப் பார்வையாக சாட்டிலைட்டிலிருந்து உலகத்தைப் பார்க்கவும் வசதி செய்திருக்கிறார்கள் (ஊரான் வீட்டு நெய்யே என்று இந்தியாவின் தலைப்பக்கம் கொஞ்சம் கிள்ளி பாகிஸ்தானுக்குக் கொடுத்திருப்பதுதான் பார்க்கச் சகிக்கவில்லை.)

கூகிள் பயண சேவையில் பஸ், ரயில் நேரங்கள், வழித் தடங்கள் சொல்கிறார்கள். ஒரு குறிப்பிட்ட ஸ்டாப்பில் அடுத்த பஸ் எப்போது வரும் என்பது வரை காட்டுகிறது (ஆழ்வார்பேட்டையில் அல்ல, அமெரிக்காவில்!). கூகிள் செவ்வாய் என்ற ப்ராஜெக்டில் செவ்வாய் கிரகத்தின் நுணுக்கமான போட்டோக்களை கலர் கலராக சேமித்து வைத்திருக்கிறார்கள்.உங்களுக்கே சொந்தமாக இணையத்தில் ஓர் ஒண்டுக் குடித்தனம்- ஒரு வலைப் பக்கம் தேவை என்றால் ஐந்து நிமிடத்தில் அமைத்துக்கொள்ளலாம். டைப் அடிக்கத் தெரிந்தால் போதும்; மற்றதெல்லாம் அவர்கள் பார்த்துக்கொள்கிறார்கள்.

ஜி மெயில்தான் இப்போது சூடான மெயிலை விட அதிகம் நாடப்படுகிறது. எல்லா இ- மெயில் கம்பெனிகளும் பிசுகிப் பிசுகி ஐம்பது மெகாபைட், நூறு மெகாபைட் என்று இடம் தந்துகொண்டிருந்தபோது கூகிள் மட்டும் ஒரேயடியாக ஆயிரம் எம்.பி. இலவசம் என்று அறிவித்துப் போட்டியாளர்களைப் பதறி ஓட வைத்தார்கள். பிறகு இது இரண்டாயிரத்தைத் தாண்டி இலவசமாக இன்னும் வளர்ந்துகொண்டேபோகிறது.

இன்டர்நெட் பூராவும் அநியாயத்துக்குக் கொட்டிக் கிடக்கும் மற்றொரு விஷயம் செக்ஸ். குழந்தைகள் கூகிளில் தேடும்போது பலான சமாச்சாரங்கள் எதுவும் வந்துவிடக் கூடாதே என்பதற்காக முக்கியமான வார்த்தைகளை வைத்து மேற்படி சரக்கா என்பதை நிர்ணயித்து வடிகட்டி விடுகிறார்கள். ஆனால் படங்களைப் பொறுத்தவரை கம்ப்யூட்டருக்கு கண்ணில்லை. ஒரு படத்தைக் காட்டி பக்திப்

படமா, பலான படமா என்று கம்ப்யூட்டரை சரியாகச் சொல்ல வைத்துவிட்டால் கேள்வி கேட்காமல் டாக்டர் பட்டம் கொடுக்கலாம். சில கூகிள் விஞ்ஞானிகள் சேர்ந்து இதற்கு ஆராய்ச்சி செய்துகொண்டிருக்கிறார்கள்.

மனித வடிவம், தோல் நிறம் எல்லாவற்றையும் எண்களாக மாற்றி ஸ்டாடிஸ்டிக்ஸ் கணக்குப் போட்டு படத்திலிருப்பது சம்திங் சம்திங்தான் என்பதை பெரும்பாலும் கண்டுபிடித்து விடுகிறார்கள்.எந்த வார்த்தையை எந்த ஊர் ஜனங்கள் அதிகம் தேடுகிறார்கள் என்று தேதி வாரியாகப் படம் வரைந்து காட்டுகிறார்கள்.அப்துல் கலாம் என்ற பெயரை கோவை மக்கள்தான் அதிகம் தேடுகிறார்கள்.ஷகீலாவை கேரளத்து ரசிகர்கள் கூகிள் பூராத் தேடித்துரத்தியிருக்கிறார்கள்.இந்தியாவின் டாப் டென் என்று பார்த்தால் பொதுவாக நாம் கிரிக்கெட் பற்றித்தான் அதிகம் விசாரித்திருக்கிறோம். அடுத்தபடி சானியா மிர்ஸா, ப்ரியங்கா சோப்ரா, நமீதா வருகிறார்கள். சில படிக்கிற பையன்கள் இந்திரா காந்தி யுனிவர்சிட்டியையும் தேடியிருக்கிறார்கள்.

ஆயிரக்கணக்கான x86 செர்வர்களில் தாங்களே உருவாக்கியுள்ள Linux-ல் தாங்களே உருவாக்கிய வெப்செர்வரில் எல்லாவற்றையும் ஓட்டுகிறார்கள்.அவர்கள் வெப் செர்வர் பெயர் GWS/2.1 அதாவது Google Web Server, current Version 2.1.அதாவது Apache-ன் கூகிள் வடிவம் என்கிறார்கள்.கூகிள் செர்வர்கள் 450,000-ஐயும் ஓட்ட 20 மெகாவாட்டுகள் மின்சாரம் தேவையாம்.அதாவது மாதம் கூகிளுக்கு கரண்ட் பில் $2 மில்லியன்கள்.அம்மாடியோவ்!!

thanks:FB-iloveindia

=======================================================================================

பிலிப் காட்லர்

#‘மார்க்கெட்டிங் துறையின் தந்தை’ என்று அழைக்கப்படுபவர் பிலிப் காட்லர். இப்போது கெல்லாக்ஸ் ஸ்கூல் ஆஃப் மேனேஜ்மென்டில் சர்வதேச மார்க்கெட்ங் துறையின் பேராசியராக இருக்கிறார்.

#சிகாகோ பல்கலைக்கழகத்தில் பி.ஹெச்டி. முடித்தவர். சர்வதேச அளவில் 12 கௌரவ டாக்டர் பட்டங்களைப் பெற்றிருக்கிறார்.

#மார்க்கெட்டிங் துறையில் 50க்கும் மேற்பட்ட புத்தகங்களும், பல கட்டுரைகளும் எழுதி இருக்கிறார். மார்க்கெட்டிங் சம்பந்தமாக இவர் எழுதிய புத்தகத்தைதான் உலகம் முழுக்க நிர்வாகம் படிக்கும் மாணவர்கள் படிக்கிறார்கள்.

#ஹனிவெல், ஜி.இ., ஐ.பி.எம். பேங்க் ஆஃப் அமெரிக்கா, ஃபோர்டு, மோட்டரோலா உள்ளிட்ட பல நிறுவனங்களுக்கு ஆலோசகராக இருந்திருக்கிறார். மேலும் சில அரசு நிறுவனங்களுக்கும் ஆலோசகராக இருந்திருக்கிறார்.

#உலகம் முழுக்க இருக்கும் பிஸினஸ் சிந்தனையாளர்களில் முக்கியமானவர்.

#இவருடைய 75-வது பிறந்த நாளுக்கு இந்தோனேஷிய அரசாங்கம் தபால்தலை வெளியிட்டு க் கௌரவித்திருக்கிறது.

#‘கம்பெனிக்கு குறைந்த தலைவர்களும், தானாக முடிவெடுக்கும் மேனேஜர்களும் தான் தேவை’ உள்ளிட்ட இவருடைய பல கருத்துகள் மிகவும் பிரபலம்.

நன்றி : தமிழ்.ஹிந்து நாளிதழ் 

விஜய் கோவிந்தராஜன்

#1969-ம் வருடம் அண்ணாமலை பல்கலைக்கழகத்தில் பி.காம் படித்தவர். 72-ம் வருடம் நடந்த சி.ஏ. தேர்வில் இந்திய அளவில் முதல் இடம்பிடித்த மாணவர். பிறகு ஹார்வேர்டு பிஸினஸ் ஸ்கூலில் எம்.பி.ஏவும், முனைவர் பட்டமும் பெற்றார்.

#இப்போது டக் ஸ்கூல் ஆஃப் பிஸினஸில் சர்வதேச பிஸினஸ் துறையின் பேராசிரியராக இருக்கிறார். இதற்கு முன்பு ஹார்வேர்டு பிஸினஸ் ஸ்கூல் மற்றும் ஐ.ஐ.எம். ஆமதாபாதில் துணைப்பேராசிரியராக பணிபுரிந்தவர்.

#நிர்வாகத்துறையில் பல புத்தகங்களை எழுதி இருக்கிறார். குறிப்பாக ’இன்னோவேஷன்’ குறித்து இவர் எழுதிய புத்தகங்கள் எம்.பி.ஏ. படிக்கும் மாணவர்கள் மற்றும் தொழில் அதிபர்கள் மத்தியில் மிக பிரபலம்.

#முன்னணி பிஸினஸ் இதழ்களான ஹார்வேர்டு பிஸினஸ் ரிவ்யூ, பிஸினஸ் வீக் இதழ்களில் தொடர்ந்து கட்டுரை எழுதி வருகிறார்.

#உலகின் முக்கியமான சி.இ.ஓ.கள் பலரும் இவருடன் இணைந்து பணியாற்றி இருக்கிறார்கள். குறிப்பாக ஜி.இ. நிறுவனத்தில் முதன்மை இன்னோவேஷன் கன்சல்டன்டாக இருந்திருக்கிறார்.

#சர்வதேச அளவில் இருக்கும் நிர்வாகவியல் சிந்தனையாளர்களில் முக்கியமானவர் இவர் என்பது குறிப்பிடத்தக்கது.

நன்றி : தமிழ்.ஹிந்து நாளிதழ் 

பணிந்திரா சாமா

#பிர்லா இன்ஸ்டிடியூட் ஆஃப் டெக்னாலாஜியில் (பிட்ஸ்) எலெக்ட்ரிக்கல் என்ஜினீயரிங் படித்தவர்.

#டெக்சாஸ் இண்ஸ்ட்ருமெண்டல் நிறுவனத்தில் வேலை பார்த்தபோது, தீபாவளி விடுமுறைக்காக ஹைதராபாத் (பெங்களூரூவிலிருந்து) செல்வதற்கு டிக்கெட் கிடைக்காமல் தடுமாறினார். அப்போது உதித்த ஐடியாதான் ரெட்பஸ்.

#தனது இரு நண்பர்களுடன் சேர்ந்து ரெட்பஸ் (ஆன்லைனில் பஸ்டிக்கட் புக் செய்யும் நிறுவனம்) நிறுவனத்தை ஆரம்பித்தார். சாமா. இப்போது இந்த நிறுவனத்தின் சி.இ.ஓ. ஆவார்.

#இவரது நிறுவனம் ஆண்டுக்கு 600 கோடி ரூபாய் அளவுக்கு டிக்கெட் விற்பனை செய்கிறது. இதில் 80 சதவிகிதம் நேரடியாக மக்களாகவே புக் செய்கிறார்கள்.

#கம்ப்யூட்டர் மூலம் இணையத்தை பயன்படுத்துபவர்கள் குறைந்து, மொபைல் மூலம் இணையத்தை பயன்படுத்துபவர்கள் இப்போது அதிகரித்துள்ளார்கள். இவர்களுக்கு ஏற்றதுபோல சேவை கொடுப்பதுதான் இப்போது உள்ள சவால் என்று சொல்லி இருக்கிறார்.

#இவரது நிறுவனத்தை ஐபிஐபிஒ குழுமம் (ibiboGroup) வாங்கி இருக்கிறது. இருந்தாலும் இந்த இணைப்பு எங்களை பாதிக்காது என்று சொல்லி இருக்கிறார் சாமா. மேலும், கோககோலா நிறுவனத்தில் வாரன் பஃபெட்டுக்கு கணிசமான பங்கு இருக்கிறது. இதை வைத்து அவர் நிறுவனத்தில் அதிகாரம் செய்யவில்லை. அதுபோலதான் இங்கும் என்று சொல்லி இருக்கிறார்.

#இவரது நிறுவனம் ஒரு மாதத்துக்கு 10 லட்சம் டிக்கட்களை விற்கிறது.

நன்றி : தமிழ் ஹிந்து நாளிதழ் 

ஏழில் (7-ல்) அடங்கிய வாழ்க்கை தத்துவம்:-

நன்மை தரும் ஏழு…

1) ஏழ்மையிலும் நேர்மை
2) கோபத்திலும் பொறுமை
3) தோல்வியிலும் விடாமுயற்ச்சி
4) வறுமையிலும் உதவிசெய்யும் மனம்
5) துன்பத்திலும் துணிவு
6) செல்வத்திலும் எளிமை
7) பதவியிலும் பணிவு

வழிகாட்டும் ஏழு...

1) சிந்தித்து பேசவேண்டும்
2) உண்மையே பேசவேண்டும்
3) அன்பாக பேசவேண்டும்.
4) மெதுவாக பேசவேண்டும்
5) சமயம் அறிந்து பேசவேண்டும்
6) இனிமையாக பேசவேண்டும்
7) பேசாதிருக்க பழக வேண்டும்

நல்வாழ்வுக்கான ஏழு...

1) மகிழ்ச்சியாக இருக்க பழகுங்கள்
2) பரிசுத்தமாக சிரிக்ககற்று கொள்ளுங்கள்
3) பிறருக்கு உதவுங்கள்
4) யாரையும் வெறுக்காதீர்கள்
5) சுறுசுறுப்பாக இருங்கள்
6) தினமும் உற்சாகமாக வரவேற்க தயாராகுங்கள்
7) மகிழ்ச்சியாக இருக்க முயற்சி மேற்கொள்ளுங்கள்

கவனிக்க ஏழு...

1) கவனி உன் வார்த்தைகளை
2) கவனி உன் செயல்களை
3) கவனி உன் எண்ணங்களை
4) கவனி உன் நடத்தையை
5) கவனி உன் இதயத்தை
6) கவனி உன் முதுகை
7) கவனி உன் வாழ்க்கையை

 நன்றி :FB 

ஆனந்த் மஹிந்த்ரா

#ஹார்வேர்ட் பிஸினஸ் ஸ்கூலில் எம்பிஏ படித்தவர். 1981-ம் ஆண்டு மஹிந்த்ரா நிறுவனத்தில் நிதித்துறை இயக்குனரின் உதவியாளராகச் சேர்ந்தார்.

#1991-ல் நிறுவனத்தின் துணை நிர்வாக இயக்குனராக பொறுப்பேற்றார். 1997-ம் ஆண்டு நிர்வாக இயக்குனராக பொறுப்பேற்றுக்கொண்டார். 2012-ம் ஆண்டு முதல் நிறுவனத்தின் தலைவராகச் செயல்பட்டு வருகிறார்.

#2013-ம் ஆண்டின் சிறந்த தொழில்முனைவோருக்கான விருதினை இவருக்கு வழங்கி இருக்கிறது ஃபோர்ப்ஸ் இந்தியா பத்திரிகை. தொழிலதிபர்களுகாக மேலும் சில விருதுகளையும் இவர் வாங்கி இருக்கிறார்.

#கடந்த 10 வருடங்களில் நிறுவனத்தின் மதிப்பை 10 மடங்குக்கு மேல் உயர்த்தி இருக்கிறார்.

#ட்விட்டர் சமூகவலைதளத்தில் மட்டும் 9.5 லட்சம் பேர் இவரை பின் தொடர்கிறார்கள். சமூக வலைதளத்தை உலகளவில் அதிகம் பயன்படுத்தும் சி.இ.ஒ.க்களில் மூன்றாம் இடத்தில் இருக்கிறார்.

#"எப்போதெல்லாம் என் பிஸினஸ் வாழ்க்கையில் சந்தோஷம் இல்லாமல் இருக்கிறேனோ அப்போதெல்லாம், போதுமான அளவு நான் ரிஸ்க் எடுக்க வில்லை" என்று உணர்ந்தேன் என்று சமீபத்தில் இவர் கொடுத்த பிரபலமான ஸ்டேட்மென்ட்.

நன்றி : தமிழ் ஹிந்து நாளிதழ் 

வினிதா பாலி

#பிரிட்டானியா நிறுவனத்தின் நிர்வாக இயக்குனர். இப்போது இந்த நிறுவனத்தின் வெளிநாட்டு வியாபாரத்தில் மட்டுமே கவனம் செலுத்துகிறார்.

#டெல்லியில் இருக்கும் ஸ்ரீராம் கல்லூரியில் பொருளாதாரம் படித்தவர். ஐ.எஃப்.எஸ். முடிப்பதுதான் லட்சியமாக இருந்ததால், அதற்கு முதுநிலை பட்டம் தேவைப்பட்டது. அதனால் எம்.ஏ பொருளாதாரம் படிப்பதற்கான வேலைகளில் ஈடுபட்டார். அதே சமயத்தில் மும்பையில் இருக்கும் ஜம்னாலால் இன்ஸ்டிடியூட்டிலும் படிக்க வாய்ப்பு கிடைத்ததால் அங்கு சேர்ந்தார்.

#ஐ.எஃப்.எஸ். லட்சியத்தோடு இருந்தாலும், படிப்பு முடியும் முன்னரே வோல்டாஸ் நிறுவனத்தில் வேலை கிடைத்தது. அங்கு ரஸ்னா குளிர்பானத்தை அறிமுகப்படுத்தியது இவர்தான்.

#வோல்டாஸுக்குப் பிறகு கேட்பரி இந்தியா நிறுவனத்தில் சேர்ந்தார். அதன்பிறகு கோககோலா நிறுவனத்துக்கு மாறினார். கோககோலாவுக்காக பல நாடுகளில் வேலை பார்த்திருக்கிறார். 45க்கும் மேற்பட்ட நாடுகளுக்கு சென்று வந்திருக்கிறார்.

#2005-ம் ஆண்டு இந்தியாவுக்கு வந்து பிரிட்டானியா நிறுவனத்தில் சேர்ந்தார். மேலும் பிரமல் கிளாஸ், டைட்டன் உள்ளிட்ட நிறுவனங்களில் இயக்குனர் குழுவிலும் இருக்கிறார்.

#2011-ம் ஆண்டு ஆசியாவின் சக்திவாய்ந்த பெண் பிஸினஸ் தலைவர்கள் என்ற பட்டியலை போர்ஃப்ஸ் பத்திரிக்கை வெளியிட்டது. இந்த பட்டியலில் வினிதாவும் இருக்கிறார்.

நன்றி : தமிழ் ஹிந்து நாளிதழ் 

ஜெஃப்ரி பிஜோஸ்

#ஒரு நீண்ட பயணம் செல்லும்போது, தன்னுடைய நிறுவனத்துக்கான ஐடியா இவருக்கு உதயமானது. 1994-ம் ஆண்டு தன்னுடைய கரேஜில் அமேஸான் நிறுவனத்தை ஆரம்பித்தார்.

#ஆரம்பத்தில் புத்தகங்களை மட்டுமே விற்றுவந்த இந்த நிறுவனம் இப்போது எலெக்ட்ரானிக்ஸ், கம்ப்யூட்டர், வாட்ச்கள் உள்ளிட்ட பல பொருள்களையும் விற்றுவருகிறார்கள். எலெக்ட்ரானிக் புத்தகங்களை விற்பதற்கு “கிண்டி”-லை அறிமுகப்படுத்தி இருக்கிறார்.

#இதுவரை பிஸினஸ் டு கஸ்டமர் விற்பனை செய்துவந்த இந்த நிறுவனம் இப்போது கிளவுட் கம்யூட்டிங் உள்ளிட்ட பிஸினஸ் டு பிஸினஸ் சேவைகளையும் செய்கிறது.

#ஆன்லைன் வணிக நிறுவனங்களின் முன்னோடி. இவரின் சொத்து மதிப்பு. ஃபோர்ப்ஸ் நிறுவனத்தின் அறிக்கைபடி 27.2 பில்லியன் டாலர்கள்.

#100 வருடங்களுக்கு மேல் செயல்பட்டு வந்த வாஷிங்டன் போஸ்ட் பத்திரிகையை வாங்கி இருக்கிறார்.

#எகானாமிஸ்ட், ஃபார்சூன், டைம், ஹார்வேர்ட் பிஸினஸ் ரிவ்யூ உள்ளிட்ட அமெரிக்காவின் முக்கிய பத்திரிகைகள் அனைத்தும் எதாவது ஒரு வகையில் இவரைக் கௌரவித்திருக்கின்றன.

நன்றி : தமிழ் ஹிந்து நாளிதழ்

வி.ஜி. சித்தார்த்தா

#காஃபி விற்பனையில் ஈடுபட்டிருக்கும் இந்தியாவின் மிக முக்கிய நிறுவனமான கஃபே காஃபி டேயின் நிறுவனர். இவரது குடும்பம் 130 வருடங்களாக காஃபி விவசாயத்தில் ஈடுபட்டுள்ளது.

#கர்நாடக முன்னாள் முதல்வரான எஸ்.எம்.கிருஷ்ணாவின் மாப்பிள்ளை.

#பெங்களூரைச் சேர்ந்த இவர் படித்து முடித்தவுடன் மும்பையில் இருக்கும் ஜே.எம். நிறுவனத்தில் இரண்டு வருடம் வேலைபார்த்தார்.

#பங்குச்சந்தை தரகு நிறுவனமான வே டு வெல்த் நிறுவனமும் இவருடையதுதான்.

#இந்தியா முழுக்க 1,500 க்கு மேற்பட்ட காஃபி டே கடைகள் உள்ளன. மேலும் காஃபி ஏற்றுமதியிலும் இவரது நிறுவனம் ஈடுபட்டுள்ளது.

#பெங்களூரில் இருக்கும் ஐ.டி. நிறுவனமான மைண்ட்ட்ரீயிலும் இவருக்குக் கணிசமான பங்குகள் உள்ளன..

#ஸ்டார் பக்ஸ் உள்ளிட்ட பெரிய நிறுவனங்களின் போட்டியைச் சமாளிக்க மைண்ட்ட்ரீ-யில் 1.5 சதவிகித பங்குகளை விற்றுவிட்டு காஃபி வியாபாரத்தை விரிவுபடுத்த உள்ளதாகத் தெரிகிறது.

நன்றி : தமிழ் ஹிந்து நாளிதழ் 

எஸ்.ராமதுரை

#பொறியியல் படித்துவிட்டு 1969-ம் ஆண்டு டி.சி.எஸ். நிறுவனத்தில் சேர்ந்தார். பல படிகளைத் தாண்டி இந்த நிறுவனத்தின் சி.இ.ஓ.வாக 1996-ம் ஆண்டு முதல் 2009-ம் ஆண்டு வரை இருந்தார்.

#இப்போது டி.சி.எஸ். நிறுவனத்தின் துணைத்தலைவராக இருக்கும் இவர், டாடா குழுமத்தில் டாடா எலெக்ஸி உள்ளிட்ட சில நிறுவனங்களுக்குத் தலைவராகவும், சில நிறுவனங்களில் இயக்குநர் குழுவிலும் இருக்கிறார்.

#தவிர, பாம்மே ஸ்டாக் எக்ஸேஞ்ச், ஹிந்துஸ்ஹான் யுனிலிவர் உள்ளிட்ட நிறுவன ங்களின் இயக்குநர் குழுவிலும் இருக்கிறார். மேலும் சமீபத்தில் அமைக்கப்பட்ட ஏர் ஏசியா விமான நிறுவனத்துக்கும் இவர்தான் தலைவர்.

#இந்தியாவின் உயரிய விருதுகளில் ஒன்றான பத்ம பூஷண் விருதைப் பெற்றவர்.

#டி.சி.எஸ். நிறுவனத்தின் வளர்ச்சி பற்றிய புத்தகம் ஒன்றை எழுதி இருக்கிறார்.

#இப்போது மத்திய அரசின் தேசிய திறன் வளர்ப்பு குழுவுக்கு ஆலோசகராக இருக்கிறார்.

நன்றி : தமிழ் ஹிந்து நாளிதழ் 

கார்லோஸ் ஸ்லிம்

#ஃபோர்ப்ஸ் பத்திரிகை அறிக்கையின்படி உலகின் முதலாவது பணக்காரர் இவர்தான். இவருக்கு பிறகுதான் பில் கேட்ஸ் வாரன் பஃபெட் போன்றவர்கள் வருகிறார்கள். இவரின் சொத்துமதிப்பு 73 பில்லியன் டாலர்கள்.

#யார் மெக்ஸிகோவில் இருந்தாலும், இவரது நிறுவனத்துக்கு எதாவது ஒரு வகையில் வாடிக்கையாளர்களாக இருப்பார்கள். டெலிகாம், சுற்றுலா, எண்ணெய் என 200க்கும் மேற்பட்ட நிறுவனங்கள் இவருக்கு இருக்கிறது.

#14 வயதில் லெபனான் நாட்டில் இருந்து இடம் பெயர்ந்தவர்.

#சமூக சேவையிலும் ஆர்வம் மிக்கவர். சில பில்லியன் டாலருக்கு மேல் தொண்டு நிறுவனங்களுக்குக் கொடுத்துள்ளார். செல்வம் என்பது பழத்தோட்டம் போல, பழங்களை கொடுக்கவேண்டுமே தவிர மரத்தை வெட்டக்கூடாது என்று சொல்லுவார்.

#’’பணம் கம்பெனியை விட்டு செல்லும் போது, அது காணாமல் போய்விடும். அதனால் லாபத்தை மீண்டும் மறுமுதலீடு செய்யவேண்டும்” என்பது இவரது பிரபலமான ஸ்டேட்மெண்ட்.

நன்றி : தமிழ் ஹிந்து நாளிதழ்